కలం, స్పోర్ట్స్ : స్కార్ రేసింగ్ ప్లేఆఫ్స్ సమరానికి కౌంట్డౌన్ మొదలైంది. 2026 నాస్కార్ కప్ సిరీస్లో ఎనిమిదో సీడ్గా బరిలోకి దిగుతున్న చేజ్ ఎలియట్ (Chase Elliott ) తన వ్యూహాలను పంచుకున్నారు. ప్రారంభంలో వెనుకబడి ఉన్నా కంగారు పడాల్సిన పనిలేదని ఆయన స్పష్టం చేశారు. నాస్కార్ మీడియా డేలో పాల్గొన్న ఆయన, సీడింగ్ కంటే ట్రాక్పై చూపించే ప్రతిభే కీలకమని చెప్పారు. ప్రస్తుతం డార్లింగ్టన్ రేస్వేలో జరిగే మ్యాచ్పై ఎలియట్ పూర్తి దృష్టి పెట్టారు. పోటీలో గెలవడానికి అనవసరపు తొందరపాటు సరికాదని ఆయన అభిప్రాయపడ్డారు. టాప్-5లో నిలుస్తూ క్రమంగా పాయింట్లు సాధించడమే తమ లక్ష్యమని తెలిపారు.
ఈ సీజన్లో మార్టిన్స్విల్లే, టెక్సాస్లలో రెండు విజయాలు సాధించి ఎలియట్ మంచి ఫామ్లో ఉన్నారు. మరోవైపు, ఎలియట్ భవిష్యత్తుపై వస్తున్న పుకార్లకు హెండ్రిక్ మోటార్ స్పోర్ట్స్ చెక్ పెట్టింది. ఎలియట్ను తమ జట్టులోనే జీవితకాలం ఉంచుకోవాలని భావిస్తున్నట్లు వైస్ ఛైర్మన్ జెఫ్ గోర్డాన్ తెలిపారు. ఎలియట్ తమ టీమ్కు కీలకమైన డ్రైవర్ అని కొనియాడారు. ఒప్పందానికి సంబంధించి చర్చలు పురోగతిలో ఉన్నాయని గోర్డాన్ ధీమా వ్యక్తం చేశారు. అతని నైపుణ్యం, టీమ్ మేనేజ్మెంట్ సమిష్టిగా పనిచేస్తే రెండవసారి కప్ సిరీస్ టైటిల్ సాధించడం ఎలియట్కు కష్టమేమీ కాదని వెల్లడించారు.
