కలం, నిర్మల్: బాగులవాడ మున్నూరు కాపు సంఘం (Munnuru Kapu Sangam) ఆధ్వర్యంలో నూతనంగా ఎన్నికైన కౌన్సిలర్లను ఆదివారం ఘనంగా సన్మానించారు. నిర్మల్ జిల్లా కేంద్రంలోని సంఘ కార్యాలయంలో ఆదివారం నిర్వహించిన కార్యక్రమంలో సంఘం అధ్యక్షుడు సముందర్పల్లి రమేశ్, కార్యదర్శి అడప నవీన్ ఆధ్వర్యంలో కౌన్సిలర్లు ధర్మాజీగారి రమ్య ఈశ్వర్, సముందర్పల్లి రాజు, మంచాల శ్రీకాంత్ యాదవ్లను సత్కరించారు.
ఈ సందర్భంగా వారు మాట్లాడుతూ.. నూతన కౌన్సిలర్లు ప్రజల విశ్వాసాన్ని నిలబెట్టుకుంటూ, కాలనీల సమగ్ర అభివృద్ధికి కృషి చేయాలని ఆకాంక్షించారు. ఈ కార్యక్రమంలో మున్నూరు కాపు సంఘ సభ్యులు పాల్గొన్నారు.
