కలం, స్పోర్ట్స్ : భారత బ్యాడ్మింటన్కు శుభవార్త వచ్చింది. స్టార్ షట్లర్ లక్ష్యసేన్ (Lakshya Sen) మళ్లీ బీడబ్ల్యూఎఫ్ ప్రపంచ ర్యాంకింగ్స్ టాప్-10లోకి అడుగుపెట్టాడు. 24 ఏళ్ల లక్ష్య ఇప్పుడు ప్రపంచ నంబర్-10 స్థానానికి చేరుకున్నాడు. గాయాలు, ఫామ్ సమస్యలు, అంతర్జాతీయ స్థాయిలో గట్టి పోటీ మధ్య అతను చేసిన ఈ రీ-ఎంట్రీ మరో కీలక మైలురాయిగా నిలిచింది. గత కొన్నేళ్లుగా లక్ష్యసేన్ (Lakshya Sen) పలు గుర్తుండిపోయే విజయాలు సాధించాడు. ఆల్ ఇంగ్లాండ్ చాంపియన్షిప్లో రజత పతకం గెలవడంతో పాటు కెనడా ఓపెన్ టైటిల్ దక్కించుకున్నాడు.
2024 ఒలింపిక్స్ బ్యాడ్మింటన్లో సెమీఫైనల్ చేరిన తొలి భారత పురుష షట్లర్గా కూడా చరిత్ర సృష్టించాడు. ఇటీవలి అంతర్జాతీయ టోర్నీల్లో నిలకడైన ప్రదర్శనతో లక్ష్య తన ర్యాంక్ను మెరుగుపరుచుకున్నాడు. ఎదురుదెబ్బలు వచ్చినా తిరిగి పుంజుకొని ప్రపంచ అగ్రశ్రేణి ఆటగాళ్లలో తన స్థానం నిలబెట్టుకున్నాడు. ఈ విజయాన్ని భారత బ్యాడ్మింటన్ అసోసియేషన్ కూడా గుర్తించింది. ఇక ముందు జరిగే బీడబ్ల్యూఎఫ్ వరల్డ్ టూర్ టోర్నీలపై లక్ష్య దృష్టి పెట్టనున్నాడు.
