కలం, నిజామాబాద్ బ్యూరో: కామారెడ్డి (Kamareddy) జిల్లా కేంద్రంలో బీఆర్ఎస్ పార్టీ ఆధ్వర్యంలో వినూత్న నిరసన (BRS Protest) చేపట్టారు. కాంగ్రెస్ పార్టీ ఇచ్చిన అమలు చేయని 6 గ్యారంటీలు, 420 హామీ పత్రాలను చించివేసి కౌన్సిలర్లు, నాయకులు, కార్యకర్తలు నిరసన తెలిపారు. కాంగ్రెస్ పార్టీ 2023 శాసనసభా ఎన్నికల్లో తెలంగాణ రాష్ట్ర ప్రజలకు ఇచ్చిన 6 గ్యారంటీలు, 420 హామీలను నెరవేర్చడంలో పూర్తిగా విఫలమైందని విమర్శించారు. ప్రజలు వీటిని గమనించాలని కోరారు. తిరిగి కేసీఆర్ నేతృత్వంలో బీఆర్ఎస్ పార్టీని అధికారంలోకి తీసుకుని రావాలని కోరారు.

