కలం, వెబ్ డెస్క్: హైదరాబాద్ క్రికెట్ అసోసియేషన్ లో (HCA) అవకతవకలపై హైకోర్ట్ సంచలన ఆదేశాలు జారీ చేసింది. ఈ వ్యవహారాలపై అదనపు సీపీ స్థాయి సీనియర్ ఐపీఎస్ అధికారి ఆధ్వర్యంలో సిట్ ఏర్పాటు చేసి, విచారణ నివేదిక తమకు సమర్పించాలని జస్టిస్ నగేశ్ భీమపాక ధర్మాసనం సూచించింది. అలాగే, ఈ సిట్ దర్యాప్తునకు సంపూర్ణంగా సహకరించాలని అసోసియేషన్ అధికారులు, సిబ్బందిని ఆదేశించింది. జస్టిస్ నవీన్ రావు పర్యవేక్షణలోనే ఇక నుంచి HCA పనిచేయాలని కీలక తీర్పు వెలువరించింది. సఫిల్ గూడ అసోసియేషన్ వేసిన పిటిషన్ ఆధారంగా విచారణ జరిపింది.
