కలం, వరంగల్ బ్యూరో: భూపాలపల్లి (Bhupalpally) జిల్లా కేటీపీపీ (KTPP)లో గురువారం అగ్నిప్రమాదం సంభవించింది. ప్లాంట్ ఆవరణలోని ఖాళీ ప్రదేశంలో పెరిగిన పిచ్చి మొక్కలు, ఎండుగడ్డిలో ఒక్కసారిగా చెలరేగిన మంటలు చుట్టూ పక్కల పరిసరాలకు వ్యాపించడంతో స్థానికులు భయాందోళనకు గురయ్యారు. సమాచారం మేరకు భూపాలపల్లి అగ్నిమాపక సిబ్బంది సంఘటన స్థలానికి చేరుకొని మంటలను అర్పివేశారు. ఈ ఘటనలో ఎలాంటి నష్టం వాటిళ్లకపోవడంతో కేటీపీపీ వర్గాలు ఊపిరి పీల్చుకున్నాయి.
