కలం, నిర్మల్ : కేంద్రంలోని బీజేపీ ప్రభుత్వం అనుసరిస్తున్న ప్రజా వ్యతిరేక విధానాలను నిరసిస్తూ సీపీఐ (CPI) ఆధ్వర్యంలో నిర్మల్ జిల్లా కేంద్రంలోని పార్టీ కార్యాలయంలో రాష్ట్రవ్యాప్త పాదయాత్ర, చలో ఢిల్లీ కార్యక్రమానికి సంబంధించిన పోస్టర్లను సోమవారం ఆవిష్కరించారు.
ఈ సందర్భంగా జిల్లా కార్యదర్శి భూక్య రమేష్ మాట్లాడుతూ.. ఆగస్టు 6 నుంచి 14 వరకు రాష్ట్రవ్యాప్త పాదయాత్రలు, సెప్టెంబర్ 1న ‘చలో ఢిల్లీ’ కార్యక్రమం చేపడుతున్నట్లు పేర్కొన్నారు. పెరుగుతున్న నిత్యావసర వస్తువుల ధరలను కేంద్ర ప్రభుత్వం తక్షణమే అదుపులోకి తీసుకురావాలని డిమాండ్ చేశారు.
ఆగస్టు 6 నుంచి ప్రారంభమయ్యే పాదయాత్ర నిర్మల్ జిల్లాలోని బాసర నుంచి దస్తూరాబాద్ వరకు 18 మండలాల్లో కొనసాగుతుందని తెలిపారు. కార్మికులు, రైతులు, యువత, ప్రజలు పెద్ద సంఖ్యలో పాల్గొని పాదయాత్రను “చలో ఢిల్లీ” కార్యక్రమాన్ని విజయవంతం చేయాలని కోరారు.
