దక్షిణాఫ్రికా బౌలర్లకు కింగ్ కోహ్లీ(Virat Kohli) దడ పుట్టించాడు. వరుస బౌండ్రీలతో బెంబేలెత్తించారు. రాంచీ వేదికగా జరుగుతున్న వన్డే సిరీస్‌లో కోహ్లీ విజృంభించాడు. కాస్త గ్యాప్ తీసుకున్న కోహ్లీ, రోహిత్ ఇద్దరూ కూడా ఆదివారం రాంచీ వేదికగా జరుగుతున్న దక్షిణాఫ్రికా, ఇండియా వన్డే మ్యాచ్‌లో చెలరేగారు. రోహిత్ రికార్డు సృష్టిస్తే.. కోహ్లీ సెంచరీతో అదరగొట్టాడు. 120 బంతుల్లో 135 పరుగులు కొట్టి తన క్లాస్‌ మరొకసారి చాటుకున్నాడు.
ఈ ఇన్నింగ్స్‌లో కోహ్లీ(Virat Kohli) 5 సిక్స్‌లు, 7 ఫోర్లు బాదుతూ బౌలర్లకు చుక్కలు చూపించాడు. దీంతో అతడి వన్డే శతకాల సంఖ్య 52కి చేరింది. టాపార్డర్‌ లలో కీలక సమయంలో నిలబడి ఇన్నింగ్స్‌ని ముందుకు నడిపించిన కోహ్లీ, టీమిండియా స్కోర్‌ను భారీగా నిలబెట్టడంలో ప్రధాన పాత్ర పోషించాడు. మైదానంలో మరోసారి తన ఫామ్‌ ఏంటో చూపిస్తూ అభిమానులను సంబరాల్లో ముంచేశాడు.
Read Also: తమిళనాడులో ఘోర ప్రమాదం
Follow Us On: X(Twitter)
