తెలంగాణను చలి(Cold wave) వణికిస్తోంది. ఉష్ణోగ్రతలు భారీగా పడిపోతున్నాయి. జీహెచ్ఎంసీ(GHMC) పరిధిలో చలిగాలులు తీవ్రంగా వీస్తున్నాయి. రాష్ట్రంలో చలి తీవ్రత రోజురోజుకూ పెరుగుతున్న నేపథ్యంలో శనివారం నాటికి పలు జిల్లాల్లో ఉష్ణోగ్రతలు భారీ స్థాయిలో పడిపోయాయి. సంగారెడ్డి జిల్లాలో కనిష్ఠ ఉష్ణోగ్రత 7.8 డిగ్రీల సెంటిగ్రేడ్ నమోదై చలికి ప్రజలు వణికిపోయారు. హైదరాబాద్–జీహెచ్ఎంసీ ప్రాంతంలో కూడా సాధారణం కంటే భిన్నంగా ఉష్ణోగ్రతలు తగ్గి 11.7 డిగ్రీల సెంటిగ్రేడ్కు చేరాయి.
వాయువ్య దిశగా వీస్తున్న గాలులు, దిత్వా తుఫాను(Ditwah Cyclone) ప్రభావం కారణంగా రాష్ట్రవ్యాప్తంగా ఈ చలి(Cold wave) తీవ్రత అధికమవుతున్నట్లు వాతావరణ శాఖ తెలిపింది. శనివారంతోపాటు ఆదివారం కూడా ఇదే పరిస్థితులు కొనసాగే అవకాశం ఉంది. దిత్వా తుఫాన్ ప్రభావంతో తేలికపాటి వర్షాలు కురిసే అవకాశం ఉండటంతో పిల్లలు, వృద్ధులు ప్రత్యేక జాగ్రత్తలు పాటించాలని వైద్య నిపుణులు సూచిస్తున్నారు. ఇక ఉదయం పూట తీవ్రమవుతున్న మంచు కారణంగా రోడ్లపై దృశ్యమానం తగ్గిపోవడంతో వాహనదారులు అత్యంత అప్రమత్తంగా డ్రైవింగ్ చేయాలని అధికారులు హెచ్చరిస్తున్నారు.
రాబోయే రెండు రోజులపాటు చలిగాలులు కొనసాగనున్నందున రాష్ట్ర ప్రజలు కోల్డ్‌–రిలేటెడ్ జాగ్రత్తలు తప్పనిసరిగా పాటించాలని సూచించారు.
జిల్లాల్లో కనిష్ఠ ఉష్ణోగ్రతలు ఇలా..
సంగారెడ్డి – 7.8°C
ఆసిఫాబాద్‌ – 8.3°C
ఆదిలాబాద్‌ – 9.2°C
వికారాబాద్‌ – 9.5°C
కామారెడ్డి – 9.7°C
నిజామాబాద్‌ – 10°C
సిరిసిల్ల – 10°C
రంగారెడ్డి – 10°C
సిద్దిపేట – 10.1°C
GHMC పరిధిలో కనిష్ఠ ఉష్ణోగ్రతలు
BHEL – 11.8°C
హైదరాబాద్ విశ్వవిద్యాలయం – 11.8°C
శివరాంపల్లి – 12.8°C
వెస్ట్ మారేడ్‌పల్లి – 13.2°C
జీడిమెట్ల – 13.7°C
రాజేంద్రనగర్ – 13.9°C
కుత్బుల్లాపూర్ – 14.1°C
కార్వాన్ – 14.3°C
Read Also: మహిళల జనేంద్రియాల మ్యుటిలేషన్.. కేంద్రం వైఖరిని కోరిన సుప్రీం
Follow Us On : Youtube
