IPL 2026 మినీ వేలాన్ని(IPL Auction) ఆపేయాలని టీమిండియా మాజీ క్రికెటర్ రాబిన్ ఊతప్ప(Robin Uthappa) కోరాడు. అంతేకాకుండా ప్రస్తుతం రెండు నెలలు జరిగా షార్ట్ లీగ్‌గా ఉన్న ఐపీఎల్ నిర్వహణలో మార్పులు రావాలని కూడా కోరాడు. ఐపీఎల్‌ను ఆరు నెలలు సాగా దీర్ఘకాలిక లీగ్‌గా మార్చాలని సూచించాడు. మారుతున్న కాలంతో పాటు టోర్నీలో కూడా సంస్కరణు అవసరమని అన్నాడు. ఐపీఎల్‌లో ప్రతి ఏడాది నిర్వహించే వేలాన్ని పూర్తిగా తొలగించి, దాని స్థానంలో సంవత్సరం పొడవునా ఫ్రాంచైజీలు ఆటగాళ్లను కొనుగోలు చేసుకునే విధంగా ట్రేడ్ విండోను తీసుకురావాలని ఊతప్ప అభిప్రాయపడ్డారు. వేలం పద్ధతి కంటే డ్రాఫ్ట్ సిస్టమ్ ఇంకా బెస్ట్ చాయిస్ అని అన్నాడు. ఆ పద్దతిని అమల్లోకి తీసుకురావాల్సిన సమయం వచ్చిందని చెప్పాడు. తాను ఐపీఎల్‌లో ఆడిన రోజుల్లోనే ఈ విధానం అవసరమని పలుమార్లు చెప్పానని గుర్తుచేశారు.
ప్రస్తుతం నిర్వాహకులు ఐపీఎల్ టోర్నీను టీవీ ఎంటర్‌టైన్‌మెంట్ కోణంలోనే చూస్తోందని తనకు అనిపిస్తుందన్నాడు. కానీ డ్రాఫ్ట్ విధానం మరింత ఆకర్షణీయంగా ఉండి అభిమానులను ఎక్కువగా కట్టిపడేస్తుందని అభిప్రాయపడ్డాడు ఊతప్ప. మధ్యలో అంతర్జాతీయ మ్యాచ్‌లు ఉన్నా, ఐపీఎల్‌ను మరింత విస్తరించి ప్రపంచంలో టాప్ లీగ్‌గా నిలిచేలా అభివృద్ధి చేయాల్సిందేనని ఆయన(Robin Uthappa) సూచించారు.
Read Also: వరల్డ్ కప్‌లో నిఖత్ పసిడి పంచ్
Follow Us on : ShareChat
