ఉపాసన కొణిదెల(Upasana Konidela)కు లేడీ డాక్టర్స్, నెటిజన్స్ స్ట్రాంగ్ కౌంటర్స్ ఇస్తున్నారు. ఐఐటీ హైదరాబాద్‌లో ఉపాసన చేసిన కామెంట్స్ తీవ్ర చర్చలకు దారితీశాయి. ఆమె మాటలు ఏమాత్రం సరైనవి కాదని మహిళా వైద్యులు ఎక్కువ మంది అంటుండటం ఇప్పుడు ఆసక్తికరంగా మారింది. ఐఐటీ హైదరాబాద్‌లో నిర్వహించిన ఓ ఈవెంట్‌లో ఉపాసన.. యువతులకు ఇచ్చిన ఒక సలహా ప్రస్తుతం తీవ్ర చర్చలకు దారితీస్తోంది. “మహిళకు పెద్ద ఇన్షూరెన్స్ అంటే ఆమె గుడ్లను ఫ్రీజ్ చేసుకోవడం” అని చెప్పిన వ్యాఖ్యను పలువురు తప్పుబడుతున్నారు. డాక్లర్లు కూడా ఆమె వ్యాఖ్యలను ఖండిస్తున్నారు. వారిలో అధికసంఖ్యలో లేడీ డాక్టర్లు ఉండటం విశేషయం. సోషల్ మీడియాలో నెటిజన్స్ కూడా ఉపాసనపై భారీగా ట్రోలింగ్ చేస్తున్నారు.
‘అపోలో హాస్పిటల్‌(Apollo Hospitals)లో ఉన్న ‘ఎగ్ ఫ్రీజింగ్ బిజినెస్’ని పెంచుకోవడం కోసమే ఉపాసన(Upasana Konidela) ఇలా చేస్తున్నారు’’ అని కొందరు విమర్శిస్తే. మరికొందరు ‘మీ బిజినెస్ కోసం యువతులను బలి చేస్తారా.’ అని అంటున్నారు. ఇంకొందరు ‘అందరికీ మీలా గుట్టలు గుట్టలు డబ్బులు ఉండవు. ఎవరి పరిస్థితి వారిది. మీరు ఫాలో అయ్యారు. మీకు ఈజీగా ఉంది కాబట్టి. అది ఫాలో అవ్వమని చెప్పడం సరికాదు’ అని హితవు పలికారు. ‘పెళ్ళి చేసుకుని ఎర్లీగా పిల్లల్ని కన్న తర్వాత కూడా కెరీర్‌ను బిల్డ్ చేసుకోవచ్చు. అందుకు సపోర్ట్‌గా ఉండే భర్త కావాలి’’ అని మహిళా వైద్యులు చెప్తున్నారు. అందుకు వారు తమనే ఉదాహరణగా చెప్తున్నారు. ఈ అంశంపై స్పందించిన మహిళా వైద్యురాలు గుంజన్ దేశ్‌పాండే.. అందుకు తానే పెద్ద ఉదాహరణ అని వెల్లడించారు.
కెరీర్‌కు పెళ్లి ఆటంకం కాదు..
తనకు 23ఏళ్లకి పెళ్లి అయిందని, 28 ఏళ్ల వయసులో తల్లిని అయ్యానన్నారు. 29 ఏళ్లకు ఆల్ ఇండియా కొలీజియం ఆఫ్ ఆప్తమైలజీలో ఫెలోషిప్ చేశానని వివరించారు. 30వ ఏట రెండో బిడ్డకు జన్మనిచ్చానని, ఆ తర్వాత 33 ఏళ్లకు ఇంటర్నేషన్ కౌన్సిల్ ఆఫ్ అప్తమైలజీలో ఫెలోషిప్ పూర్తి చేశానని తెలిపారు. 36 ఏళ్లకు రాయల్ కాలేజ్ ఆఫ్ సర్జన్స్‌లో చేరినట్లు వెల్లడించారు. ఇలా పెళ్లి అయి పిల్లలను కన్న తర్వాత కూడా అర్థం చేసుకుని, సపోర్ట్ చేసే భాగస్వామి ఉంటే మహిళలు కెరీర్‌లో ముందడు వేయగలరని ఆమె అన్నారు. వివాహం అనేది కెరీర్‌కు అడ్డంకి కాదని అన్నారు.
Upasana Konidela చేసిందేంటి.. చెప్తుందేంటి..
మరొకరి ఉపాసన చేసిన వ్యాఖ్యలతో పూర్తి విభేదించారు. 32 సంవత్సరాల వరకు పెళ్లికి దూరంగా ఉండాలని, కెరీర్‌పై ఫోకస్ పెట్టాలని యువతులకు ఉపాసన సలహాలు ఇవ్వడం ఆమె మూర్ఖత్వానికి అద్దం పడుతోందని మరొకరు అన్నారు. ఉసాపన 23 ఏళ్లకే పెళ్లి చేసుకున్నట్లు గుర్తు చేశారు. ఆమె ఫాలో చేయని పనులను ఇప్పుడు వచ్చి యువతులకు జీవిత పాఠాలు చెప్తుండటం చాలా విడ్డూరంగా ఉందని చురకలంటించారు. ఉపాసన మాటలు.. ఆధునిక మహిళా సాధికారతా? లేదా ఆ ముసుగులో జరుగుతున్న కార్పొరేట్ మార్కెటింగ్? అని ప్రశ్నలను లేవనెత్తారు.
ఈ విమర్శలపై ఉపాసన స్పందించారు.
సోషల్ మీడియాలో ఒక పెద్ద నోటు పోస్టు చేసిన ఉపాసన, మొదటగా తన జీవితం మీద తానే తీసుకున్న నిర్ణయాలను వివరించారు. ప్రేమ పెళ్లి చేసుకోవడం, సరైన భాగస్వామిని కోసం వేచిచూడడం, కెరీర్‌పై దృష్టి పెట్టడం.. ఇవి ఏవి తప్పు కావని స్పష్టం చేసింది.
వ్యక్తిగత పరిస్థితులను బట్టి సంతానోత్పత్తి విషయాల్లో నిర్ణయం తీసుకోవడం మహిళా హక్కు అని ఆమె పేర్కొన్నారు. తన వ్యక్తిగత ప్రయాణం గురించి చెబుతూ, “నేను 27 ఏళ్ల వయసులో ప్రేమతో పెళ్లి చేసుకున్నాను. 29 ఏళ్ల వయసులో వ్యక్తిగత, ఆరోగ్య కారణాల కోసం ఎగ్ ఫ్రీజింగ్ చేసుకున్నాను. ఈ విషయం గురించి ఎప్పుడూ అందరికీ ఓపెన్‌గా చెబుతూనే ఉన్నాను. అపోలో కోసం ప్రచారం చేస్తున్నాననే ఆరోపణలు పూర్తిగా తప్పుడు అపోహలు” అని స్పష్టం చేసింది. 36 ఏళ్ల వయసులో మొదటి సంతానం కలిగించుకున్నానని, ప్రస్తుతం 39 ఏళ్ల వయసులో జంట పిల్లలను ఎదురుచూస్తున్నానని తెలిపింది.
Read Also: మీ లైఫ్ పార్ట్నర్ మిమ్మల్ని అర్థం చేసుకోవట్లేదా.. ఇలా ట్రై చేయండి..
Follow Us on: Youtube
