కలం, వెబ్ డెస్క్ : ఉత్తరప్రదేశ్, ఒడిశా రాష్ట్రాల్లో ప్రధాన మంత్రి నరేంద్ర మోడీ (PM Modi) పర్యటించనున్నారు. ఈ పర్యటనలో భాగంగా ఆయన వారణాసి, భువనేశ్వర్ నగరాల్లో పలు కీలక అభివృద్ధి కార్యక్రమాలలో పాల్గొననున్నారు. ప్రధానంగా వారణాసిలోని నమో ఘాట్ వద్ద భారత వైమానిక దళం 94వ వార్షికోత్సవాన్ని పురస్కరించుకుని ‘వింగ్స్ ఓవర్ గంగా(Wings Over Ganges)’ థీమ్‌తో ప్రత్యేక వైమానిక ప్రదర్శన అట్టహాసంగా జరగనుంది. ఈ విన్యాసాలు స్థానికులను, పర్యాటకులను ఎంతగానో ఆకట్టుకోనున్నాయి.
అదేవిధంగా వారణాసిలో మహిళల ఆధ్వర్యంలో నడుస్తున్న వస్త్ర తయారీ పరిశ్రమలను ప్రోత్సహించే ఉద్దేశంతో ఒక నూతన గార్మెంట్ తయారీ కేంద్రాన్ని ప్రధాని మోడీ ప్రారంభించనున్నారు. దీని ద్వారా స్థానిక వస్త్ర ఉత్పత్తులకు అంతర్జాతీయ మార్కెట్లతో బలమైన అనుసంధానం ఏర్పడుతుందని, ఉపాధి అవకాశాలు పెరుగుతాయని అంచనా వేస్తున్నారు.
అనంతరం ఒడిశా పర్యటనలో భాగంగా భువనేశ్వర్‌లో రిజర్వ్ బ్యాంక్ ఆఫ్ ఇండియా (RBI) నూతన డేటా సెంటర్‌ను ప్రధాని మోడీ (PM Modi) జాతికి అంకితం చేయనున్నారు. ఈ పర్యటన రెండు రాష్ట్రాల అభివృద్ధికి, ఆర్థిక వృద్ధికి ఎంతో దోహదపడుతుందని భావిస్తున్నారు.
Also Read : పసిఫిక్‌లో రికార్డు టెంపరేచర్.. ‘ఎల్ నినో’ మరింత తీవ్రతరం!
Follow Us On: Youtube
