కలం, నిర్మల్: నిర్మల్ జిల్లా కేంద్రంలోని శ్రీ గిరి నందిగుండం దుర్గామాత ఆలయంలో ( Srigiri Nandigundam Temple) దేవి శరన్నవరాత్రి ఉత్సవాలు వైభవంగా కొనసాగుతున్నాయి. శుక్రవారం అమ్మవారు సరస్వతీ మాత అలంకారంలో భక్తులకు దర్శనమిచ్చారు. ఆలయ అర్చకులు అమ్మవారికి విశేష పూజలు నిర్వహించారు. ఈ సందర్భంగా ఆలయ వ్యవస్థాపకులు కొండాజీ వెంకటాచారి నేతృత్వంలో వేలాది మంది భవానీ దీక్షాధారులు సామూహిక గిరిప్రదక్షిణ (Giri pradakshina) నిర్వహించారు. అమ్మవారి నామస్మరణ చేస్తూ భక్తులు భక్తిశ్రద్ధలతో ప్రదక్షిణలో పాల్గొన్నారు.
