కలం, సినిమా : రాక్స్టార్ దేవిశ్రీ ప్రసాద్ (Devi Sri Prasad) ప్రధాన పాత్రలో దర్శకుడు వేణు యేల్దండి తెరకెక్కిస్తున్న బిగ్గెస్ట్ మూవీ ‘ఎల్లమ్మ’(Yellamma) సినిమాపై సంగీత దర్శకుడు థమన్ (Thaman) ఆసక్తికర వ్యాఖ్యలు చేశారు. ఈ సినిమా కథ తనకు పూర్తిగా తెలుసని, దేవిశ్రీ ప్రసాద్ ఈ ప్రాజెక్ట్ కోసం ఎంతో కష్టపడి పని చేస్తున్నాడని చెప్పారు. నటుడిగా అతని కెరీర్కు ఈ చిత్రం కచ్చితంగా పెద్ద ప్లస్ అవుతుంది. ప్రేక్షకులు అతడిని కొత్త కోణంలో చూసే అవకాశం ఉంటుంది అని థమన్ పేర్కొన్నారు. అంతేకాకుండా, ‘ఎల్లమ్మ’ చిత్రానికి కొన్ని పాటలు చేయమని నన్ను అడిగారు. నేను కూడా చేస్తానని చెప్పాను. మంచి కంటెంట్తో వస్తున్న ఈ ప్రాజెక్ట్లో భాగం కావడం సంతోషంగా ఉంది అని అన్నారు.
దేవిశ్రీ ప్రసాద్ సంగీత దర్శకుడిగానే కాకుండా నటుడిగా కూడా తనదైన ముద్ర వేయాలని ప్రయత్నిస్తున్న నేపథ్యంలో ‘ఎల్లమ్మ’పై ఇప్పటికే మంచి అంచనాలు ఏర్పడ్డాయి. థమన్ చేసిన వ్యాఖ్యలు ఈ సినిమాపై మరింత ఆసక్తిని పెంచుతున్నాయి. ముఖ్యంగా దేవిశ్రీ నటన, సినిమా కథ, సంగీతం ప్రేక్షకులను ఆకట్టుకునే అంశాలుగా నిలుస్తాయని సినీ వర్గాలు భావిస్తున్నాయి.
