కలం, వెబ్ డెస్క్ : పాన్ ఇండియా స్టార్ ప్రభాస్ హీరోగా హను రాఘవపూడి దర్శకత్వంలో రూపొందుతున్న ‘ఫౌజీ’ (Prabhas Fauzi ) సినిమా నుంచి బిగ్ అప్డేట్ వచ్చింది. మైత్రి మూవీ మేకర్స్ బ్యానర్ నిర్మిస్తున్న ఈ భారీ బడ్జెట్ మూవీ రిలీజ్ డేట్ ను ఖరారు చేశారు. యుద్ధం కాన్సెప్ట్ తో పీరియాడిక్ సినిమాగా తెరకెక్కిన ఈ మూవీ డిసెంబర్ 3న రిలీజ్ కానుంది. ఈ మేరకు రిలీజ్ డేట్ పోస్టర్ ను మేకర్స్ విడుదల చేశారు.
ప్రభాస్ షర్ట్ లేకుండా గన్ పట్టుకుని రక్తపాతం సృష్టించి ఒళ్లంతా రక్తంతో అలిసి కూర్చున్నట్లు కనిపిస్తున్న రిలీజ్ డేట్ పోస్టర్ అడియెన్స్ను ఆకట్టుకుంటోంది. అంతేకాదు పోస్టర్ లో వేసిన ఓ స్టాంప్ వేసి ఉండగా.. అందులో అజ్ఞాత పర్వం, మోస్ట్ వాంటెడ్ 1932 అని కనిపిస్తుంది. దీంతో భారతదేశానికి స్వాతంత్రం రాకముందు స్టోరీతో వస్తున్న ఈ మూవీ బాక్సాఫీస్ ను షేక్ చేస్తుందని ప్రభాస్ ఫ్యాన్స్ అంటున్నారు. కాగా, ఈ మూవీలో ప్రభాస్ సరసన ఇమాన్వి నటిస్తుండగా.. అనుపమ్ ఖేర్, మిథున్ చక్రవర్తి, జయప్రద కీలక పాత్రల్లో కనిపించనున్నారు.
