కలం, వెబ్ డెస్క్: ఫిలిప్పీన్స్ లో ఘోర విమాన ప్రమాదం చోటు చేసుకుంది. వైమానిక స్థావరంలో శిక్షణ పొందుతున్న రెండు సైనిక విమానాలు గాల్లోనే ఢీకొన్నాయి. (Philippines Military Plane Crash) ఈ ఘటనలో నలుగురు పైలట్లు మృతి చెందినట్లు ఆ దేశ వైమానిక దళం శనివారం ప్రకటించింది. మనీలాలోని ఫెర్నాండో వైమానిక స్థావరం పరిధిలో ఎస్ఎఫ్-260 సింగిల్ ప్రొపెల్లర్ విమానాలు కూలిపోయాయి.
శిక్షణ సమయంలో ఫిలిప్పీన్ వైమానిక దళ విమానాలు గాలిలో అత్యంత ప్రమాదకరంగా దగ్గరగా దూసుకెళ్లి ఢీకొన్నాయి. ఈ ప్రమాదానికి (Philippines Military Plane Crash) గల కారణాలపై అధికారులు దర్యాప్తు చేపట్టారు. ముందుజాగ్రత్త చర్యగా వైమానిక దళానికి చెందిన ఎస్ఎఫ్-260 విమానాలను తాత్కాలికంగా నిలిపివేసినట్లు అధికారులు వెల్లడించారు.
ఈ సంవత్సరంలోనే పిలిప్పీన్స్ సైనిక విమానాలకు సంబంధించి అనేక ఘోర ప్రమాదాలు జరిగాయి. మే నెలలో ఫిలిప్పీన్స్‌లోని బెంగ్యూట్ ప్రావిన్స్‌లో శిక్షణ సమయంలో ఎస్ఎఫ్-260 విమానం కూలిపోవడంతో ఇద్దరు సైనిక పైలట్లు మరణించారు.
