కలం డెస్క్ : గ్రామీణ స్థానిక సంస్థల ఎన్నికల్లో(Panchayat Polls) పోటీ చేసేందుకు భారీ స్థాయిలో నామినేషన్లు దాఖలయ్యాయి. మొత్తం మూడు దశల్లో జరగనున్న ఈ ఎన్నికల్లో తొలి దశ నామినేషన్ల ప్రక్రియ శనివారంతో పూర్తయింది. మొదటి దశలో 31 జిల్లాల్లోని 189 మండలాల పరిధిలోని 4,236 గ్రామ పంచాయతీ సర్పంచ్ పదవులకు 25,654 నామినేషన్లు దాఖలయ్యాయి. వీటి పరిధిలో ఉన్న 37,440 వార్డు సభ్యుల పోస్టులకు 82,276 నామినేషన్లు దాఖలయ్యాయి. సర్పంచ్ పోస్టులకు దాదాపు ఆరు రెట్ల నామినేషన్లు దాఖలుకాగా, వార్డు సభ్యులకు రెండున్నర రెట్ల మేర దాఖలయ్యాయి. చివరి రోజైన నవంబరు 29న ఊహకు అందని తీరులో నామినేషన్లు దాఖలు కావడం గమనార్హం. అర్ధరాత్రి పన్నెండు గంటలు దాటిన తర్వాత కూడా నామినేషన్లను ఎన్నికల అధికారులు స్వీకరించారు. ఆయా జిల్లాల ఎన్నికల అధికారులు తెల్లవారుజాము వరకూ నామినేషన్ల వివరాలను స్టేట్ ఎన్నికల కమిషన్‌కు సమర్పించేందుకు విధుల్లోనే నిమగ్నమయ్యారు. చివరకు స్టేట్ ఎలక్షన్ కమిషన్ తేల్చి లెక్కలు ఇలా ఉన్నాయి.
Panchayat Polls నామినేషన్స్ :
మొత్తం సర్పంచ్ పోస్టులు : 4,236
దాఖలైన నామినేషన్లు : 25,654
మొత్తం వార్డుల సంఖ్య : 37,440
దాఖలైన నామినేషన్లు : 82,276
నామినేషన్ల పరిశీలన : నవంబరు 30
ఉపసంహరణ గడువు : డిసెంబరు 3 వరకు
పోలింగ్ తేదీ : డిసెంబరు 11 (మధ్యాహ్నం 1.00 గంట వరకు)
ఓట్ల లెక్కింపు : డిసెంబరు 11న (మధ్యాహ్నం 2.00 గంటల నుంచి)
ఏకగ్రీవమైనవి : 18 సర్పంచ్ పోస్టులు
Read Also: కాలిఫోర్నియాలో కాల్పులు
Follow Us On: X(Twitter)
