బంగారం ధరల్లో(Gold Rate) ఇటీవల హెచ్చు తగ్గులు అత్యంత సహజంగా మారిపోయాయి. ఏ రోజు బంగారం పెరుగుతుందో ఎప్పుడు తగ్గుతుందో అర్థం కావడం లేదు. తాజాగా మరోసారి బంగారం ధరల్లో సల్ప తగ్గుదల నమోదైంది. చాలా తక్కువ సమయంలోనే తులంగా బంగారం విలువ లక్షా 25 వేలకు చేరుకున్న విషయం తెలిసిందే. దీంతో అసలు సామాన్యులు బంగారం కొనడం భారంగా మారిపోయింది. తాజా సెషన్‌లో బంగారం ధరలు తగ్గి కొంత ఊరటనిచ్చాయి.
బులియన్ మార్కెట్‌ సమాచారం ప్రకారం, 24 క్యారెట్ల ప్యూర్‌ గోల్డ్‌ 10 గ్రాముల ధరపై రూ.710 తగ్గుదల వచ్చింది. దీంతో 24 క్యారెట్ల బంగారం రూ.1,25,130 వద్ద ట్రేడ్ అవుతోంది. ఇదే సమయంలో 22 క్యారెట్ల బంగారంపై రూ.650 తగ్గగా, 10 గ్రాములు రూ.1,14,700 వద్ద అమ్ముడవుతోంది. అలాగే 18 క్యారెట్ల బంగారం ధరపై రూ.530 తగ్గి, ప్రస్తుతం 10 గ్రాముల రేటు రూ.93,850గా నమోదైంది.
బంగారం ధరల(Gold Rate)తో పాటు వెండి మార్కెట్లో కూడా ఇదే ధోరణి కనిపించింది. కిలో వెండి ధరపై రూ.1,000 తగ్గడంతో బులియన్ మార్కెట్లో కిలో వెండి ధర రూ.1,63,000 వద్దకు చేరింది. అయితే నగరాలవారీగా వెండి ధరల్లో తేడా కొనసాగుతోంది. చెన్నై, హైదరాబాద్‌లలో కిలో వెండి ధర రూ.1,71,000 వద్ద ట్రేడ్ అవుతుండగా, ఢిల్లీ, ముంబై, కోల్‌కతాల్లో మాత్రం రూ.1,63,000 వద్ద విక్రయాలు జరుగుతున్నాయి.
అంతర్జాతీయ మార్కెట్లలో డాలర్‌ మారకం విలువు, గ్లోబల్‌ ఉత్పత్తి–డిమాండ్ మార్పులు, ఇన్వెస్ట్‌మెంట్ ఫ్లోల ప్రభావంతో బంగారం–వెండి ధరలు రోజువారీగా మారుతున్నాయి. అయితే ఈరోజు నమోదైన తగ్గుదల వినియోగదారులకు కొంత ఉపశమనం కలిగించింది. మరి బంగారం ధర ఇంకా తగ్గుతుందా? లేదంటే మరింత పెరుగుతుందా? అన్నది వేచి చూడాలి.
Read Also: పాకిస్థాన్‌లో ఆత్మాహుతి దాడులు
Follow Us on: Youtube
