కలం, నిర్మల్‌: పోలీస్ సిబ్బంది శారీరక దృఢత్వంతో పాటు మానసిక ఆరోగ్యాన్ని కాపాడుకుంటూ విధులు నిర్వహించాలని నిర్మల్‌ డీఎస్పీ శ్రీనివాస్ (Nirmal DSP Srinivas) అన్నారు. నిర్మల్‌ జిల్లా కేంద్రంలోని డీఎస్పీ కార్యాలయంలో శనివారం పోలీస్ సిబ్బందికి వీక్లీ పరేడ్‌ నిర్వహించారు. ఈ సందర్భంగా డీఎస్పీ మాట్లాడుతూ.. విధి నిర్వహణలో నిరంతరం అప్రమత్తంగా ఉండేందుకు ప్రతిరోజూ వ్యాయామం చేయాలన్నారు.
ఆరోగ్యకరమైన అలవాట్లను జీవితంలో భాగం చేసుకోవాలని డీఎస్పీ శ్రీనివాస్ (Nirmal DSP) సూచించారు. శారీరక, మానసిక ఆరోగ్యం మెరుగ్గా ఉన్నప్పుడే విధులను సమర్థవంతంగా నిర్వహించగలమని పేర్కొన్నారు. పోలీస్ సిబ్బంది వ్యక్తిగతంగా లేదా విధి నిర్వహణలో ఎదుర్కొంటున్న సమస్యలను ఉన్నతాధికారుల దృష్టికి తీసుకువచ్చి పరిష్కరించుకోవాలని సూచించారు. ఈ కార్యక్రమంలో సీఐలు కృష్ణ, గోవర్ధన్ రెడ్డి, సమ్మయ్య, ఎస్సైలు, పోలీస్ సిబ్బంది పాల్గొన్నారు.
