ఏపీ ఇంటర్ పరీక్షల షెడ్యూల్ విడుదల

కలం, వెబ్ డెస్క్​ : ఆంధ్రప్రదేశ్ ఇంటర్మీడియట్ బోర్డు (BIEAP) 2027 ఫిబ్రవరి, మార్చి నెలల్లో జరగనున్న ప్రథమ, ద్వితీయ సంవత్సర పబ్లిక్ థియరీ పరీక్షల (AP Inter Exams) షెడ్యూల్​ ను విడుదల చేసింది. తాజా షెడ్యూల్ ప్రకారం, పరీక్షలు ఉదయం 9.00 గంటల నుండి మధ్యాహ్నం 12.00 గంటల వరకు నిర్వహించనున్నారు.

ఫస్ట్ ఇయర్ విద్యార్థులకు 2027 ఫిబ్రవరి 24న పార్ట్-2 లాంగ్వేజెస్ పత్రంతో పరీక్షలు ప్రారంభం కానున్నాయి. ఫిబ్రవరి 26న ఇంగ్లీష్ పేపర్-1, మార్చి 1న మ్యాథ్స్/సివిక్స్ పేపర్-1, మార్చి 3న బయాలజీ/హిస్టరీ పేపర్-1, మార్చి 5న ఫిజిక్స్/ఎకనామిక్స్ పేపర్-1, మార్చి 9న కెమిస్ట్రీ/కామర్స్ పేపర్-1, మార్చి 15న మోడర్న్ లాంగ్వేజ్/జియోగ్రఫీ పేపర్-1తో మొదటి సంవత్సరం పరీక్షలు ముగుస్తాయి.

సెకండ్ ఇయర్ విద్యార్థులకు 2027 ఫిబ్రవరి 25న సెకండ్ లాంగ్వేజ్ పత్రంతో పరీక్షలు ప్రారంభమవుతాయి. ఫిబ్రవరి 27న ఇంగ్లీష్ పేపర్-2, మార్చి 2న మ్యాథ్స్/సివిక్స్ పేపర్-2, మార్చి 4న బయాలజీ/హిస్టరీ పేపర్-2, మార్చి 8న ఫిజిక్స్/ఎకనామిక్స్ పేపర్-2, మార్చి 11న కెమిస్ట్రీ/కామర్స్ పేపర్-2, మార్చి 16న మోడర్న్ లాంగ్వేజ్/జియోగ్రఫీ పేపర్-2తో ద్వితీయ సంవత్సరం పరీక్షలు ముగియనున్నాయి. పాత సిలబస్ విద్యార్థులకు, బ్యాక్‌లాగ్ అభ్యర్థులకు కూడా బోర్డు నిర్దిష్టమైన తేదీల వారీగా పరీక్షల వివరాలను వెల్లడించింది.

Also Read : జ‌న‌సేన‌కు టీడీపీతోనే ముప్పు.. బొలిశెట్టి కీల‌క వ్యాఖ్య‌లు

Follow Us On : WhatsApp