కలం, వెబ్ డెస్క్: హైదరాబాద్ ను మరింత అభివృద్ధి చేసేందుకు కాంగ్రెస్ ప్రభుత్వం నిర్మిస్తున్న ఫ్యూచర్ సిటీ పనులు వేగవంతంగా అయ్యాయి. ఈ మేరకు సోమవారం సీఎం రేవంత్ రెడ్డి (CM Revanth Reddy) ఫ్యూచర్ సిటీలో పర్యటించనున్నారు. ఈ మేరకు పోలీస్ అధికారులు సీఎం టూర్ కి సంబంధించి అన్ని ఏర్పాటు చేశారు. ఇబ్రహీంపట్నంలో మధ్యాహ్నం 3.30 గంటలకు నూతనంగా నిర్మించిన ఫ్యూచర్‌సిటీ (Future City) పోలీస్ కమిషనరేట్‌ను సీఎం ప్రారంభించనున్నారు.
అనంతరం సాయంత్రం 5.30 గంటలకు యంగ్ ఇండియా ఇంటిగ్రేటెడ్ స్కిల్ వర్సిటీ అభివృద్ధి పనులను పరిశీలించి పలు సూచనలు చేయనున్నారు. అలాగే నేషనల్ ఇనిస్టిట్యూట్ ఆఫ్ అర్బన్ మేనేజ్ మెంట్ (ఎన్‌ఐయూఎం) క్యాంపస్ నిర్మాణానికి సీఎం శంకుస్థాపన చేయనున్నారు. ఈ కార్యక్రమాల అనంతరం ఫ్యూచర్ సిటీ డెవలప్ మెంట్‌పై, భవిష్యత్ కార్యాచరణపై సీఎం ఉన్నతస్థాయి సమావేశం నిర్వహించనున్నారు.
