కలం, సినిమా : పవర్ స్టార్ పవన్ కల్యాణ్ (Pawan Kalyan) ఏపీ డిఫ్యూటీ సీఎంగా తన బాధ్యతలు నిర్వహిస్తూనే హీరోగా కెరీర్ కొనసాగిస్తున్నారు. ప్రస్తుతం ఆయన ఉస్తాద్ భగత్ సింగ్ (Ustaad Bhagat Singh) సినిమా చేస్తున్నారు. ఈ సినిమా తర్వాత పవన్ కల్యాణ్ లైనప్లో మరికొన్ని క్రేజీ ప్రాజెక్ట్స్ ఉన్నాయి. వాటిలో దర్శకుడు సురేందర్ రెడ్డి (Surender Reddy) మూవీ పవర్ స్టార్ ఫ్యాన్స్లో క్యూరియాసిటీ క్రియేట్ చేస్తుంది. ఇటీవల పవన్ కల్యాణ్, సురేందర్ రెడ్డి కాంబోలో మూవీకి సంబంధించి అఫీషియల్ కన్ఫర్మేషన్ వచ్చింది. పవన్ పొలిటికల్గా బిజీగా ఉండటంతో ఈ సినిమా ఉండకపోవచ్చని అంతా అనుకున్నారు. అయితే ఆ సందేహాలను బ్రేక్ చేస్తూ ఈ మూవీ సెట్స్ మీదకు వెళ్లేందుకు సిద్దం అవుతుంది.
ఈ చిత్రాన్ని ఎస్ఆర్టీ ఎంటర్టైన్మెంట్స్ బ్యానర్పై రామ్ తాళ్లూరి (Ram Talluri) నిర్మిస్తున్నారు. ప్రొడ్యూసర్ రామ్ తాళ్లూరి పవన్కు మంచి మిత్రుడు. ఆయన బ్యానర్లో మూవీ చేయాలని పవన్ ఎప్పటినుంచో అనుకుంటున్నారు. పవన్, సురేందర్ రెడ్డి మూవీకి స్టోరీ రైటర్ వక్కంతం వంశీ కథ ప్రధాన ఆకర్షణ కానుంది. ప్రేక్షకులకు వంశీ కథలు కనెక్ట్ అయితే పెద్ద సక్సెస్ సాధిస్తుంటాయి. పవన్ కోసం వక్కంతం వంశీ ఓ స్ట్రాంగ్ స్టోరీ సిద్దం చేశారని తెలుస్తుంది.
వచ్చే నెలలోనే పవన్ కల్యాణ్ సురేందర్ రెడ్డి సినిమా సెట్స్ మీదకు వెళ్తుందనే టాక్ వినిపిస్తుంది. బ్యాక్ టు బ్యాక్ షెడ్యూల్స్లో పవన్ షూటింగ్ కంప్లీట్ చేయాలని టీమ్ ప్లాన్ చేస్తుంది. మరోవైపు పవన్ కల్యాణ్ పీపుల్ మీడియా ఫ్యాక్టరీ సంస్థతో కలిసి ప్రొడ్యూసర్గా వరుస సినిమాలు నిర్మించే సన్నాహాలు చేస్తున్నారు.
