కలం, నిర్మల్: విజయదశమి పర్వదినాన్ని పురస్కరించుకుని జిల్లా ప్రజలందరికీ జిల్లా కలెక్టర్ భవేశ్ మిశ్రా (Collector Bhavesh Mishra ) మంగళవారం శుభాకాంక్షలు తెలిపారు. దసరా పండుగ ప్రజల జీవితాల్లో విజయాలు, సుఖసంతోషాలు, శాంతి, సౌభాగ్యాలను నింపాలని ఆకాంక్షించారు. చెడుపై మంచి సాధించిన విజయానికి ప్రతీకగా జరుపుకునే విజయదశమి ప్రతి ఒక్కరిలో నూతన ఉత్సాహం, సానుకూల దృక్పథాన్ని నింపాలని కోరారు. జిల్లా ప్రజలందరూ కుటుంబ సభ్యులతో ఆనందోత్సాహాలతో, సురక్షితంగా విజయదశమి వేడుకలను జరుపుకోవాలని కలెక్టర్ ఆకాంక్షించారు.
