కలం, బాసర : దేవి శరన్నవరాత్రి ఉత్సవాలను పురస్కరించుకొని ఎంపీ గోడం నగేశ్ (MP Godam Nagesh ) ఆదివారం బాసర శ్రీ జ్ఞాన సరస్వతి అమ్మవారిని దర్శించుకున్నారు. ఈ సందర్భంగా ఆలయ ఈవో, అర్చకుల ఆధ్వర్యంలో ఆయనకు అమ్మవారి హారతి ఇచ్చి తీర్థప్రసాదాలు అందజేశారు. అనంతరం దేవస్థానంలో జరుగుతున్న అభివృద్ధి పనులను ఈవోతో కలిసి ఎంపీ పరిశీలించారు. పనుల పురోగతిపై వివరాలు తెలుసుకున్నారు. ఈ కార్యక్రమంలో బాసర మండల బీజేపీ అధ్యక్షుడు పుట్నాల సాయినాథ్, లిఫ్ట్ ఇరిగేషన్ చైర్మన్ పోగుల రాజేశ్వర్, మాజీ సర్పంచ్ సతీష్ రావు, తదితరులు పాల్గొన్నారు.
