కలం, సినిమా : తమిళనాడు సీఎం, స్టార్ హీరో విజయ్ (vijay) నటించిన బిగ్గెస్ట్ యాక్షన్ మూవీ’ జన నాయగన్'( Jana Nayagan) జులై 23న ప్రపంచవ్యాప్తంగా గ్రాండ్ రిలీజ్ అయింది. సెన్సార్ వివాదంతో గత కొన్ని నెలలుగా రిలీజ్ వాయిదా పడిన ఈ సినిమా ఎట్టకేలకు రిలీజ్ కావడంతో విజయ్ అభిమానులు థియేటర్స్కి క్యూ కట్టారు. రిలీజ్కి ముందే ఈ సినిమాపై భారీ అంచనాలు నెలకొనడంతో సినిమాకు ప్రేక్షకుల నుంచి సూపర్ రెస్పాన్స్ లభిస్తుంది.
ఇదిలా ఉంటే ఈ సినిమాలో నటించిన తమిళ నటి ఆనంది అజయ్ (Anandhi Ajay) తన సన్నివేశాలను ఎడిటింగ్లో తొలగించడంతో తీవ్ర భావోద్వేగానికి గురయ్యారు. విజయ్తో కలిసి నటించాలనే తన ఎన్నో ఏళ్ల కల ‘జన నాయగన్’ తో నెరవేరినట్లుగా భావించానని, ఆ పాత్ర కోసం దాదాపు ఏడాది పాటు ఎంతో కష్టపడ్డానని ఆమె తెలిపారు. అయితే చివరి నిమిషంలో తన సన్నివేశాలన్నీ తొలగించడంతో తీవ్ర నిరాశకు గురైనట్లు తెలిపారు. ఈ విషయం సోషల్ మీడియాలో వైరల్ కావడంతో పలువురు నెటిజన్లు ఆమెకు మద్దతుగా నిలుస్తున్నారు. “ఆనంది ధైర్యంగా ఉండాలి.. భవిష్యత్తులో మరిన్ని మంచి అవకాశాలు వస్తాయి” అంటూ కామెంట్లు చేస్తున్నారు.
