బెంగళూరు ట్రాఫిక్(Bengaluru Traffic) సమస్యలపై భారత వ్యోమగామి శుభాన్షు శుక్లా(Shubhanshu Shukla) చురకలు అంటించారు. బెంగళూరులో ప్రయాణించడం కష్టమని అన్నారు. గురువారం జరిగిన బెంగళూరు టెక్నాలజీ సమ్మిట్‌ (BTS)లో ‘ఫ్యూచర్ మేకర్స్ కాంక్లేవ్’ కార్యక్రమానికి శుభాన్షు హాజరయ్యారు. కాగా, మారతహళ్లి నుంచి కార్యక్రమ స్థలానికి చేరుకోవడానికి శుభాన్షుకు మూడు గంటలు పట్టింది. దానిని ఉద్దేశించి మాట్లాడుతూ.. తాను ఇవ్వాల్సిన ప్రసంగం తాను ట్రావెల్ చేసిన సమయంలో మూడో వంతు సమయానికి పూర్తయ్యేదని సరదాగా చెప్పారు.
గత జూన్‌లో యాగ్జియం మిషన్‌ ద్వారా తన అంతరిక్ష ప్రయాణాన్ని గుర్తు చేసుకుంటూ, అంతరిక్షంలో అడుగుపెట్టినప్పుడు శరీరంపై ఒక భారీ వాహనం పరిగెత్తినట్లు అనిపించిందని చెప్పారు. అక్కడి వాతావరణానికి అలవాటు పడటానికి కనీసం వారం రోజులు అవసరం అవుతుందని వెల్లడించారు. భూమికి తిరిగి వచ్చిన తర్వాత మరో రెండు వారాలు శరీరం సహకరించలేదంటూ తన అనుభవాన్ని పంచుకున్నారు. ఈ యాత్ర భారతదేశ అంతరిక్ష సామర్థ్యానికి ఒక గొప్ప ప్రతీకగా నిలిచిందని తెలిసినప్పుడు గర్వంగా అనిపించిందని చెప్పారు. “మన అంతరిక్ష ప్రగతికి ఏ సరిహద్దులూ లేవు” అని ధైర్యంగా ప్రకటించిన శుభాన్షు(Shubhanshu Shukla), అంతరిక్షం నుంచి భారత్ ఎలా కనిపిస్తుందో కూడా వీడియో రూపంలో అందరికీ చూపించారు.
Read Also: వరల్డ్ కప్‌లో నిఖత్ పసిడి పంచ్
Follow Us on : Pinterest
