కలం, స్పోర్ట్స్ : జపాన్‌లోని నాగోయాలో జరుగుతున్న పారా ఆసియా క్రీడల్లో భారత్‌కు మరో పతకం దక్కింది. బుధవారం జరిగిన పురుషుల 100 మీటర్ల T64 రేసులో భారత రన్నర్ ప్రణవ్ దేశాయ్ (Pranav Desai) కాంస్య పతకం సాధించి మెరిశారు. మహారాష్ట్రలోని థానేకి చెందిన ప్రణవ్ పుట్టుకతోనే కుడి కాలు వైకల్యంతో జన్మించారు. అయినా వెనకడుగు వేయకుండా 2017 నుంచి పారా క్రీడల్లో రాణిస్తున్నారు. 100, 200 మీటర్ల T64 స్ప్రింట్ విభాగాల్లో ఆయన నైపుణ్యం సంపాదించారు. పట్టుదల, క్రమశిక్షణతో దేశానికి గర్వకారణంగా నిలుస్తున్నారు.
గతంలో 2022 హాంజౌ పారా ఆసియా క్రీడల్లో ప్రణవ్ 11.91 సెకన్లతో నాలుగో స్థానంలో నిలిచారు. ఈసారి 11.96 సెకన్లతో పరుగు పూర్తి చేసి, మూడో స్థానంతో పతకాన్ని ముద్దాడారు. సమయం కంటే స్థానాన్ని మెరుగుపరుచుకోవడం విశేషం. ఇదే పోటీల్లో భారత్‌కు చెందిన దిలీప్ గావిత్ 10.69 సెకన్లతో స్వర్ణం సాధించగా, మహమ్మద్ బాసిల్ 10.72 సెకన్లతో రజతం గెలుచుకుని కొత్త రికార్డు సృష్టించారు.
